Pancake 專門紗織 (已結業)

早前已经试过佢地嘅班戟觉得几好食所以谂住再去食，原来佢地出左新menu，新推出左樱花季节限定，除左有樱花系列嘅班戟，最吸引我系佢地出左一款和食10品《樱の膳》，见有咸食就一于试一试，卖相真系好靓，九格入面有齐汤、前菜、小食、甜品，另外仲有一碗昆布汤乌冬，真系好丰富，唔好睇小佢地每样细细份，其实一个人食好够饱。九格入面分别系: 北海道粟米汤、豆腐芦荟芝麻沙律、和风菜包、鸳鸯玉子、唐扬炸鸡、日式汁煮鲍鱼、小甜薯、香烧青鱼、原味班戟。而个昆布汤乌冬亦好大碗，个汤底好清甜，整体食物令人满意。另外饮品叫左黑豆茶，食完野饮啖茶真系大满足！