凡高廚房

营业中

休息中

今日同同事食farewell dinner，知道佢一向都好陶醉艺术画作，上网系意见到呢间餐厅，决定要带佢嚟感受一下。一上到去佢已经被餐厅嘅装修吸引住咗，哗声不断，好彩当晚早到，唔系嘅话真系好失礼😂餐厅每个角落都挂上凡高嘅画作，布置都好有心思，全以欧陆风为主，充满艺术感。嘢食方面我点咗set dinner嘅美国prime护心火焰牛柳。跟餐嘅有头盘餐汤同法式面包，头盘系chop醉嘅洋葱蕃茄沙律，味道偏碌，但好开胃！餐汤系俄罗斯野菜汤，但味道超淡。正当怀疑紧main course 味道嘅时候，侍应就端上一碟串烧牛柳，淋上火焰白酒，超有gimmick。原本以为烧牛柳份量唔多，但一共有两串烧牛柳，每串都有三大嚿牛柳夹杂埋波椒，仲有炸薯伴碟。牛柳烧到刚刚好，里面仲有轻微粉红，肉质结实但充满肉汁，蘸埋烧烤汁味道更丰富！最后送上埋甜点，当日系迷你忌廉蛋糕，仲有阵阵嘅士多啤梨香味！每只碟都有餐厅名嘅朱古力粉，好靓。