棋子燒鵝 (旺角道)

营业中

休息中

今日喺旺角食下午茶，求求其其去左棋子烧鹅。下午茶餐有12款拣，包热饮一杯。不过居然冇菠萝包供应，非常失望。棋哥烧鹅濑粉 $45烧鹅系近鹅胸位置，质素正常冇特别，皮少少薄脆，浸得太腍，脂肪唔算厚，鹅肉唔会太干或太韧，上面加左少少葱花，烧鹅酱自己喺枱上面加，不过冇碟仔俾你。濑粉份量偏少，质素就正常滑，伴有少量梛菜。棋哥叉烧濑 $40叉烧个颜色令人有点唔开胃，食落非常麻麻，全瘦，好彩够腍。脆皮烧腩仔饭 $40脆皮烧腩仔一客8件，的确系脆皮，不过大部份都系肥膏，好肥，自动伴有芥末酱。呢碗饭配嘅梛菜实在系少得可怜。饭量就够饱肚。叉烧煎蛋饭 $45煎太阳蛋大大只，捞饭好，唔怪得贵5蚊。叉烧一样系唔多开胃咁款。特饮居然冇红豆冰，好失望。热杏霜味道可以，唔太假。热阿华田偏淡。热柠水各有3片柠檬。总括而言，价钱唔平，主要食装修，不过座位又唔见得好干净，冇下次。