一杯鐵板燒居酒屋

营业中

休息中

APM 居然有一间居酒屋主题嘅餐厅，满满浓厚嘅日本风情。一开始前菜食咗一碟刺身三味，属于A级嘅刺身，既新鲜又鲜甜，再点少少豉油的话能够将海鲜嘅咸甜更加带出嚟。之后就叫咗一客熟客先识点嘅邪恶手卷，由5份海胆两份吞拿鱼蓉配一份寿司饭合并而成嘅手卷，餐牌仲要系冇嘅，非常限量供应，北海道嘅海胆除咗冇苦味之外，那浓郁黏稠嘅口感绝对系爱海胆人士嘅福音。叫得居酒屋，当然会试埋佢哋嘅串烧。烧牛舌厚实而充满牛味。烧鳗鱼嘅鱼油香好重，焦香嘅鱼皮令到这项烧物的香味更加提升。最后主食叫了一碗立鱼汤乌冬和生姜豚肉石头锅饭，满满嘅碳水化合物，浓郁嘅鱼汤忍唔住会饮晒，就算同朋友一齐食都非常饱肚，满载而归。