So Coco

营业中

休息中

好多年前喺city’super已经买过呢个牌子嘅椰子布丁，𠮶时已经觉得好好食，不过始终都算贵，所以只系食过一两次。最近喺铜锣湾见到呢一个品牌嘅招牌，原来开咗实体店，有几次想食，不过都好早收就未有机会。而去到最近终于食到啦。叫咗椰子布丁，入边有椰奶椰肉，再加埋布丁，其实几好食，唔系净系一旧布丁，有多重口感，但个人认为椰奶太多同埋稍为甜咗啲，如果布丁同椰肉比例多啲同减甜少少就好啦。试埋招牌椰碗，拣左珍珠同椰子雪糕。拎𠮶时觉得都几大碗，但谂真啲呢个价钱系应该要咁大碗🤣。入面有我拣咗嘅椰子雪糕同珍珠系面，下面有仙草，沙冰，同黑糖浆。黑糖浆喺最底，所以一开始食唔知有，食到最后甜到呕，所以记得食到咁上下要搅匀。但其实我觉得黑糖太浓太甜抢晒椰味，唔落会好啲，而仙草同珍珠其实同椰子都唔系太match，不过分开食还好。食到最后个椰碗可以掘啲椰肉出嚟食，椰肉都好嫩。斋讲味道，我会俾好评，但计埋价钱可能就只有中平了。