四季椰林海南椰子雞 (屯門市廣場2期)

营业中

休息中

今日去咗屯门市广场2期嘅四季椰林海南椰子鸡，真系好正！一入门就闻到阵阵椰子香，环境好舒服，绿色嘅装修真系让人好放松，服务员态度都好亲切。佢哋讲求不加一滴水，四个椰子一锅汤，系专业品质保证。🥥个椰子汤底原汁原味，用嘅系新鲜椰子，清甜到不得了！先饮上一口汤，停唔到，饮多两碗先开始食，已经觉得值回票价。🐔 鸡只是用上海南文昌鸡，半只份量好足料，够2个人饱饱，鸡肉好嫩滑，皮黄肉白，入口鲜香，蘸上特调嘅酱料，味道一绝。🥩火山肥牛都唔错，牛肉好新鲜，稍微涮一涮就可以食，吸满咗椰子汤底嘅清甜，口感好丰富。🍡潮汕丸类双拼，有牛肉丸同墨鱼丸，牛肉丸弹牙到可以打乒乓球，墨鱼丸鲜味十足，正！🥬娃娃菜、午餐肉同炸腐竹都好搭椰子鸡，午餐肉大大份，食落好满足；炸腐竹吸收晒汤底嘅精华，超入味。🥘非遗腊味煲仔饭，腊香裹著米香，入边仲有粒粒芋头，质感丰富，饭焦锅巴香脆，一口就被圈粉，传统美味真的绝！