四季椰林海南椰子雞 (MOKO新世紀廣場)

营业中

休息中

国内好岀名嘅四季椰林海南椰子鸡，系国内已经有超过六十间分店。我哋今日去嘅分店系喺旺角新世纪广场，一定要食椰子鸡锅，标榜”不加一滴水，四个椰子一锅汤”。食完令人回味，成餐饭好满足。原味椰子鸡，$208（半只）个汤底真系一绝，汤底清甜得嚟带有天然嘅椰香，饮一啖即刻感受到椰子嘅鲜味，鸡系用上海南文昌鸡。鸡肉嫩滑，鸡味浓郁，啲肉质非常有弹性，完全吸哂汤底嘅精华，食完个心都暖哂，真心好食。火山肥牛呢个肥牛片薄薄哋，入汤渌几下就可以食，肉质嫩滑，牛味浓郁，吸哂椰子汤底嘅鲜甜，真系一啖接一啖停唔到口。潮汕非遗丸类双拼入面有鱼蛋同牛丸，鱼蛋弹牙，牛丸鲜味十足，食落去口感丰富，非常有嚼劲。金牌非遗腊味煲仔饭，$118。呢个煲仔饭真系超足料，腊肠、腊肉，芋头粒铺满成煲，饭煮得粒粒分明，仲有香脆嘅饭焦，食落去香口得嚟又有层次感，腊味嘅油香渗透哂入饭入面，真系好满足👍鲜活水培菜新鲜翠绿，味道清甜。炸腐竹腐竹吸哂汤底嘅精华，有咬口，几特别炸午餐肉心型午餐肉香口又唔会太油腻100%天然椰子汁，饮完清甜解腻，又唔会太甜，成个口腔都系椰子嘅香气。四季椰林嘅出品有水准，汤底鲜甜，火锅料都好食，可以再战。