Sweetheart

营业中

休息中

之前经过呢间店想入去，但因为要等位，所以冇去到。但今日唔使等位，可能因为我地太早（20:20pm)去既关系,去到见到员工都在食饭。感觉唔太好意思阻住佢地食饭，而且店内人少，所以等佢地食到咁上下先落单。本身想试「首创椰青炖蛋白」，但由于一日只有5只供应，所以系卖晒的。唯有明天请早。咁我地就叫左「椰皇芒果（椰皇啫哩，小丸子）」同「招牌椰皇炖蛋白」。 「椰皇芒果（椰皇啫哩，小丸子）」上面铺满芒果，店员话由于摆唔落小丸子，所以小丸子分开上。虽然有少少怪，但感觉份量十足。唯有先食左上面的芒果再倒啲小丸子落去椰皇度。芒果颇甜，芒果下面有椰皇啫哩，这啫哩比较结实且清甜，唔似其他易碎的啫哩。而小丸子就唔够烟韧，可能系分开上时系暖的，小丸子要够冻先好食，内里还有粒豆沙汤丸。相信如果小丸子唔系分开上既话，整体既评分会更好。至于「招牌椰皇炖蛋白」，我地叫左冻的。因为平时食开热既椰子炖蛋白，感觉冻既又系另一番味道。冻既无热既感觉咁甜，但食完唔会咁「漏」，几好。食完仲可以刮厚厚的椰子肉来食。食完「淋」既蛋白再食硬硬地既椰子肉。软硬兼施。哈。。。。。。