究極堂 (蜆殼街)

营业中

休息中

甜虾唐扬炸到好酥脆，一上嚟就已经闻到佢嘅香味，虾比想像中嘅大，而且份量都多。一路倾偈一路食唔觉唔觉就食晒。究极丼绝对系佢嘅主打，一个丼饭里面已经够晒我哋两个女仔嘅份量，而且仲有好多种唔同类型嘅海鲜MIX一齐，又鲜又满足银鱼仔冷豆腐， 好fresh。朋友好钟意食银鱼仔，我哋捞埋落个究极丼度食，又丰富咗🤩我哋仲叫咗个打卡一流嘅海鲜杯，入面除咗见得到嘅海胆，鱼籽，三文鱼块，仲有好多蟹肉丝，最底嘅系一啲蜜柑啫喱，一个杯又系刺身又系甜品，大家可以留返后少少先食😋😋另外我哋叫嘅碎吞拿鱼腩卷同埋蟹膏雪鱼干都好唔错👍炼乳士多啤梨雪葩应该系期间限定，我哋系咁啱喺个黑板𠮶度见到先至叫，一碟有四粒，仲要黐埋金箔，超有诚意。雪芭嘅质地唔系就咁雪糕，我哋食落觉得有少少软啰，但系又唔似系糯米，好特别。士多啤梨当然会有自身嘅一啲果酸，沟埋练乳食，一流。我觉得呢个价钱有四粒真系劲抵。