影片
更多
2022-04-17
32 浏览
3月转热之后以为要等到年尾冬天先再有得打边炉，估唔到呢几日天气又凉返少少，即刻把握时机打返个边炉先🤭 相信牛大人对大家来讲都唔陌生，今次介绍嘅系佢哋嘅午市吃到饱套餐，只系$198(+10%)，但食物嘅选择一啲都唔输蚀比晚餐，好抵食㗎😀今次嚟到沙田嘅牛大人店，超级多人排队呀！好彩我哋晨早订咗位，同服务员讲声Booking，好快就安排入座👍🏼午巿有几个套餐选择，价钱全部$200内，我哋当然叫最靓嘅极上和牛吃到饱套餐😈 汤底🍲: 冇记错嘅汤底好似有成8，9款可以拣，我地想食清少少，拣咗个唔辣嘅蒜头鸡汤锅🐔汤底入面都有成半只鸡㗎，而且蒜头味都几重，加上有少少菜，可以话清淡得来都几惹味😋肉类🥩: 和牛套餐顾名思义就系有和牛食啦，佢哋嘅牛系澳洲和牛M5牛肩卷，切到非常之薄， 渌一渌就食得，油脂唔算多，但一啲都唔鞋，而且重牛味，翻叫左好多好多碟🤣 除咗和牛仲有安格斯牛板腱，牛五花，西班牙猪梅肉片，鸡件等等，呢啲我每样都只系食咗一件，始终都系食和牛最抵嘅😏火锅配料自助区🍢: 除咗用iPad落单嘅肉类之外，自助区仲有唔同嘅丸类，台湾面同米粉，同蔬菜🥬加埋都成几十款，而且仲有自助酱料区，可以自己混酱😁小食
3月转热之后以为要等到年尾冬天先再有得打边炉，估唔到呢几日天气又凉返少少，即刻把握时机打返个边炉先🤭 相信牛大人对大家来讲都唔陌生，今次介绍嘅系佢哋嘅午市吃到饱套餐，只系$198(+10%)，但食物嘅选择一啲都唔输蚀比晚餐，好抵食㗎😀
今次嚟到沙田嘅牛大人店，超级多人排队呀！好彩我哋晨早订咗位，同服务员讲声Booking，好快就安排入座👍🏼午巿有几个套餐选择，价钱全部$200内，我哋当然叫最靓嘅极上和牛吃到饱套餐😈
汤底🍲: 冇记错嘅汤底好似有成8，9款可以拣，我地想食清少少，拣咗个唔辣嘅蒜头鸡汤锅🐔汤底入面都有成半只鸡㗎，而且蒜头味都几重，加上有少少菜，可以话清淡得来都几惹味😋
肉类🥩: 和牛套餐顾名思义就系有和牛食啦，佢哋嘅牛系澳洲和牛M5牛肩卷，切到非常之薄， 渌一渌就食得，油脂唔算多，但一啲都唔鞋，而且重牛味，翻叫左好多好多碟🤣 除咗和牛仲有安格斯牛板腱，牛五花，西班牙猪梅肉片，鸡件等等，呢啲我每样都只系食咗一件，始终都系食和牛最抵嘅😏
火锅配料自助区🍢: 除咗用iPad落单嘅肉类之外，自助区仲有唔同嘅丸类，台湾面同米粉，同蔬菜🥬加埋都成几十款，而且仲有自助酱料区，可以自己混酱😁
小食🍗同饮品🧃: 讲到明系台式火锅，又点会冇台式小食同台式饮品呢？用iPad点餐入边会有几款台式小食，我最钟意就系髯须鸡同埋台式香肠，好有台湾嘅感觉啊🥹 至于嘢饮方面都系自助嘅，有一大个冻柜俾你拣，包括有罐装饮品例如汽水之类，亦都有牛大人自家制嘅一啲台式茶品，打完边炉饮来清下热唔错㗎👍🏼
张贴
