影片
更多
2021-04-24
101 浏览
太耐冇去过日本，所以忍唔住要喺香港食返啲高质素嘅omakase 弥补一下自己。鮨燐位于尖沙咀，都算方便，一入商场上一层楼就已经到达啦，餐厅内部好干净，座位同座位之间用木板隔住。餐厅共有三款Omakase ，我哋叫咗中价位嘅set首先系前菜，从左至右分别系宫崎水果蕃茄，白梅贝海螺同松叶蟹肉。水果蕃茄酸酸甜甜，食落特别清爽开胃，而处理海螺时，师傅用汁浸左两日所以连内脏食得，即系我哋平时会搣咗佢揼咗𠮶部位，识落有少少似猪润嘅口感，最后松叶蟹肉好鲜甜，加上冲绳先有嘅水云，水云本身系冇味嘅所以唔会遮挡蟹肉嘅味道。跟住就系七款刺身左下系鲛蝶鱼，师傅将鱼肉薄切后，包住火灸过嘅鱼边，姐系游水肌肉部位，再加上葱花，咬落非常香鱼油。右下系九州长崎县小长井蚝，上面舖上土多醋啫喱 ，再扫上柚子皮，蚝肉大只，肉质饱满爽脆，而且鲜甜。另外系四国针鱼，肉质弹牙，因为鱼肉本身系冇乜味道，所以要加上姜葱豉油去调味。上方系太刀鱼，亦姐系牙带鱼，平时系香港啲牙带鱼捞上泥，好多时都会因为啲鱼嘅牙刮到其他鱼嘅鱼肉，而影响肉质同口感，仲好容易有腥味发出，而依度嘅牙带鱼系由日本人手钓上泥，所以避免左呢一种情况嘅出现，师傅喺调味果方
鮨燐位于尖沙咀，都算方便，一入商场上一层楼就已经到达啦，餐厅内部好干净，座位同座位之间用木板隔住。
餐厅共有三款Omakase ，我哋叫咗中价位嘅set
首先系前菜，从左至右分别系宫崎水果蕃茄，白梅贝海螺同松叶蟹肉。水果蕃茄酸酸甜甜，食落特别清爽开胃，而处理海螺时，师傅用汁浸左两日所以连内脏食得，即系我哋平时会搣咗佢揼咗𠮶部位，识落有少少似猪润嘅口感，最后松叶蟹肉好鲜甜，加上冲绳先有嘅水云，水云本身系冇味嘅所以唔会遮挡蟹肉嘅味道。
跟住就系七款刺身
左下系鲛蝶鱼，师傅将鱼肉薄切后，包住火灸过嘅鱼边，姐系游水肌肉部位，再加上葱花，咬落非常香鱼油。
右下系九州长崎县小长井蚝，上面舖上土多醋啫喱 ，再扫上柚子皮，蚝肉大只，肉质饱满爽脆，而且鲜甜。
另外系四国针鱼，肉质弹牙，因为鱼肉本身系冇乜味道，所以要加上姜葱豉油去调味。
上方系太刀鱼，亦姐系牙带鱼，平时系香港啲牙带鱼捞上泥，好多时都会因为啲鱼嘅牙刮到其他鱼嘅鱼肉，而影响肉质同口感，仲好容易有腥味发出，而依度嘅牙带鱼系由日本人手钓上泥，所以避免左呢一种情况嘅出现，师傅喺调味果方面加左柚子同胡椒，而鱼嘅外皮火炙过，所以鱼油嘅味道完全散发晒出嚟。
左下系萤光鱿鱼，师傅佢烧过所以零舍香，小碗装住系小贝柱配土多醋啫喱，贝柱嘅肉质好爽口，咬落系有一丝丝一条条嘅感觉。
右下系中拖罗，师傅加上岩盐同紫苏叶中和个油腻口感，其实平时好怕食紫苏叶，觉得个味道好怪，但系今次嘅配搭又觉得冇问题，而依度嘅紫苏叶亦都比外面食过嘅比较干身同脆。
大拖罗，师傅拣咗用条鱼额头皱眉头位置，因为呢度个位系最有鱼味，而且又肥美多筋，要知道一条鱼得两块，所以呢个部位系好矜贵，师傅烧过之后好多油咇左出嚟，非常肥美。
熟食太刀鱼配山楂汁，刺身同熟悉嘅口感又系唔同嘅，鱼肉非常之嫩滑，配上酸甜嘅山楂汁，非常甜美。
跟住就到六款寿司
北寄贝寿司，新鲜嘅北寄贝先会系蓝色，自从之前试过一次之后，就在冇食过红色嘅北寄贝，今次又可以再食返，口感真系冇得比较，真系会特别有弹性同埋肉质系新鲜嘅，师傅喺饭同鱼中间加上柚子皮。
深海池鱼寿司，鱼味非常浓，而且肉质比较实。
大拖罗寿司，师傅去左筋所以得返嘅全部都系鱼肉，好肥美口感会滑好多，直情有入口即化嘅感觉。
马粪海胆寿司，系马粪海胆嘅其中一种，但比较稀有，开十只海胆只有两只系咁，口感比较实，无咁水同无咁creamy，但食到海胆一粒粒嘅口感，食完好唔舍得吞落去。
小肌鱼寿司，小肌鱼系江户前时期第一次用泥做寿司嘅材料，师傅将鱼肉绑埋一齐，除咗视觉上更加好睇之外，咬落亦都更有层次感，另外加左盐、醋、紫苏叶同姜。
最后一款寿司系岩先大拖罗嘅筋，加左葱，比起带拖罗佢更加入口即融，直情系唔使咬就咁放咗入口已经融化咗嘅感觉。
爱侣鱼鱼骨熬嘅清汤，非常清甜，食完咁多寿司之后中和返个口感。
最后系自家制甜品抹茶奶冻，上面系黑豆，食落好甜但唔系𠮶种死甜嘅感觉，食完会觉得口干，奶冻非常滑，而绿茶味亦都好浓。
呢餐真系非常好食，虽然去唔到日本但系都可以食到日本嘅新鲜食材，餐厅嘅服务都非常好，有一种一对一嘅服务感觉，茶杯嘅水永远都会为你添上，连我唔小心的左滴豉油喺枱面度，都即时有人发现上前帮我买走，佢哋真系好细心。
张贴
