影片
更多
2023-12-23
229 浏览
原本跟男友到另一间餐厅食鸡煲，但好多人无位，于是再揾其他餐厅。同一个商场，经过呢间cafe，见到有一人鸡煲，无咩人，费是再行，无咩期望纯粹医下肚同试下d小店，就入左去，点知真系伏到爆，超级后悔。🥵坐低后，有个女侍应生 （较男仔头咁既样）就咁掉低个QR code 牌系枱面，一句野都无讲。个下觉得有d奇怪但都不以为意。开始听到d侍应生系度自己吹水，又爆晒粗，但都无咩理。手机落单无耐，有个一入黎就见佢挂住系咁禁手机既男侍应生（但态度对客似乎最正常既）佢比左两杯水我地。无耐就开始上野食。单点2个汤，都系好结个d罐头汤（仲有结住一旧野咁系汤入面个种）。叫左两个一人鸡煲，黎到都系好重既味精野。食左几旧鸡，个男侍应生，被厨房一个男人叫佢要帮我地鸡煲加水，唔系就会痴底，咁佢无问我地就直接倒d水落去鸡煲度。加左两份打边炉料，有面粉味嘅乌冬半个，正常午餐肉，丸，蟹棒，生菜，云耳，小量金菇。无叫野饮。食到半路，戏肉就黎喇‼️我地饮晒两杯水，男友如常好有礼貌咁，向住一个小小背住我地既扎马尾肥妹侍应生讲：「唔该，可唔可以帮我地加d水？」。个肥妹即刻面目狰狞咁拧过黎话：「下？！咩话？！」男友再重覆：「可唔可以帮我地
同一个商场，经过呢间cafe，见到有一人鸡煲，无咩人，费是再行，无咩期望纯粹医下肚同试下d小店，就入左去，点知真系伏到爆，超级后悔。🥵
坐低后，有个女侍应生 （较男仔头咁既样）就咁掉低个QR code 牌系枱面，一句野都无讲。个下觉得有d奇怪但都不以为意。开始听到d侍应生系度自己吹水，又爆晒粗，但都无咩理。
手机落单无耐，有个一入黎就见佢挂住系咁禁手机既男侍应生（但态度对客似乎最正常既）
佢比左两杯水我地。无耐就开始上野食。
单点2个汤，都系好结个d罐头汤（仲有结住一旧野咁系汤入面个种）。
叫左两个一人鸡煲，黎到都系好重既味精野。
食左几旧鸡，个男侍应生，被厨房一个男人叫佢要帮我地鸡煲加水，唔系就会痴底，咁佢无问我地就直接倒d水落去鸡煲度。
加左两份打边炉料，有面粉味嘅乌冬半个，正常午餐肉，丸，蟹棒，生菜，云耳，小量金菇。无叫野饮。
食到半路，戏肉就黎喇‼️
我地饮晒两杯水，男友如常好有礼貌咁，向住一个小小背住我地既扎马尾肥妹侍应生讲：「唔该，可唔可以帮我地加d水？」。
个肥妹即刻面目狰狞咁拧过黎话：「下？！咩话？！」
男友再重覆：「可唔可以帮我地加d水？」
肥妹即刻反白眼，转身拎水壶，同时间讲左句：「比d礼貌呀！」
我同男友呆晒，真系o晒咀，完全唔明点解会无啦啦咁被对待。
男友回过神后： 「你系咪同紧我讲？！」
肥妹（继续面目可憎咁既样）：「我唔系同你讲㖞」
男友再问多次，个肥妹都系咁既态度讲多次，男友就同佢讲，「最好唔系同我讲」。
个肥妹之后呢埋左一边。其他侍应听到完全无反应。
我地觉得好嬲，但食到一半，走既要比钱又唔忿气，投诉又无用又唔系连锁店，唔觉老细系度。最后谂住拿拿声食完算。
个煲成日烧干水，每次就黎干水，我就叫个男侍应生：唔该加d水，每次就停一停唔禁个手机，帮我加一加水，真系好攞命。
一路食，个男仔头女侍应生狂同其他侍应吹水，疯狂爆粗。
成餐饭，食到背脊骨落。
9点就赶收工，出去埋单时门口仲有两个女既入黎问个男仔头侍应生走得未。
成班边青咁，18，22出头咁既样，冇王管。
呢d咁既侍应连基本做人既礼貌都无，真系好登佢地可悲。
埋单$376，食左d好差既食物，性价比极差，又要无啦啦受气，好有礼貌既一枱客竟然比一个好无礼貌既侍应生话比d礼貌😂直头系冲击人类既认知。🤷🏻♀️
香港有d餐厅侍应都未必好好态度，想好好地食餐饭有时都费时劳气，唔系高级餐厅都唔会要求d咩。呢间服务直头系赶客，服务界最差既天花板。
张贴