影片
更多
2024-06-14
213 浏览
第一句打重点：开心果系列完全系伏，只要你稍微对开心果有少少执著同期望，你就唔应该试。有日同闺蜜倾起TGG呢个集团，食过佢嘅十里系高质餐厅。闺密话想试下旗下呢间新式和洋食。最近仲推出咗我地当中有人特别中意嘅开心果限定，咁就紧系讲到就约。拣咗去铜锣湾呢间，冇特别订位，亦唔驶排队，门口有只猫公仔吸引眼球，环境尚算舒适。三个人叫咗个二人Set,另外再散叫咗一件寿司塔可，同三样开心果产品。二人Set望落几抵，好似有唔少嘢食，1个前菜，1个小食，1个意粉，2个塔可，1个甜品同2杯嘢饮。但套餐弹性奇~~~低，除咗个餐只有比较普通嘅菜式选择（见到主餐牌有啲特别嘅单点，但个餐冇得拣），连嘢饮都只系得咖啡同茶。所有特式饮品需要+$18至$38。但你以为加钱就得？错喇，佢都系限死你5选1。对主餐牌其他饮品有兴趣，你只可以另外再单点。最后拣完想食啲吸引少少嘅嘢，个餐由$498升级到$594。味道方面，老实讲，食落冇咩惊喜，对唔住埋单四位数嘅价钱。前菜：牛油果角切鱼生沙律，尚可，但柚子酱油味太出，盖过牛油果本身个味，冇办法令几种食材味道加乘，感觉打折。小食：炸蚝配柠檬酱，皮够脆，但蚝大小中等，热辣辣出菜，叫做到
有日同闺蜜倾起TGG呢个集团，
食过佢嘅十里系高质餐厅。
闺密话想试下旗下呢间新式和洋食。
最近仲推出咗我地当中有人特别中意嘅开心果限定，
咁就紧系讲到就约。
拣咗去铜锣湾呢间，冇特别订位，亦唔驶排队，门口有只猫公仔吸引眼球，环境尚算舒适。
三个人叫咗个二人Set,
另外再散叫咗一件寿司塔可，同三样开心果产品。
二人Set望落几抵，好似有唔少嘢食，1个前菜，1个小食，1个意粉，2个塔可，1个甜品同2杯嘢饮。
但套餐弹性奇~~~低，除咗个餐只有比较普通嘅菜式选择（见到主餐牌有啲特别嘅单点，但个餐冇得拣），连嘢饮都只系得咖啡同茶。
所有特式饮品需要+$18至$38。但你以为加钱就得？错喇，佢都系限死你5选1。对主餐牌其他饮品有兴趣，你只可以另外再单点。
最后拣完想食啲吸引少少嘅嘢，个餐由$498升级到$594。
味道方面，老实讲，食落冇咩惊喜，对唔住埋单四位数嘅价钱。
前菜：牛油果角切鱼生沙律，尚可，但柚子酱油味太出，盖过牛油果本身个味，冇办法令几种食材味道加乘，感觉打折。
小食：炸蚝配柠檬酱，皮够脆，但蚝大小中等，热辣辣出菜，叫做到基本。配个柠檬酱，唔算好夹，都系蛋黄酱会配啲⋯
主菜1: 软壳蟹意粉配蟹肉及蕃茄忌廉汁，唯一有啲惊喜嘅菜式，意粉酱极多，每条意粉都挂到好多酱，味道唔会酸仲带啲甜。忌廉适度，唔会太稀或太杰，软壳蟹算大只，好评。
主菜2: 寿司塔可（鳗鱼玉子/香葱吞拿鱼蓉牛油果酱/辣味帆立贝）。塔可，即TACO，墨西哥脆饼主意融入寿司，概念几得意。主要打卡用，抵赞嘅系面果层代替咗墨西哥脆饼嘅天妇罗紫菜，一口咬落去几脆。但入面都只系普通包咗啲寿司饭，上面放咗啲普通到唔再普通嘅材料，例如两三片鳗鱼同玉子，唔值钱嘅吞拿鱼蓉同冇牛油果味嘅牛油果酱。老实讲，原价$72系一啲都唔值，食两件一样材料嘅军舰都只系$30⋯单点嘅帆立贝塔可反而惊喜少少，个辣味几出，但相对帆立贝用料就唔系新鲜，因为可以用辣嚟掩盖。
饮品：香桃富士梳打几清甜，但因为跟餐加钱都冇咩饮品可以拣，所以略过。
甜品：需要连埋开心果嚟讲。
老实讲，除咗失望冇嘢好形容。佢又唔系难食，但对喜欢开心果嘅人嚟讲真系极为失望。
开心果拿破仑：好多开心果酱，但个酱冇开心果味。唔系特别靓嘅酱嚟，个绿色绿到似抹茶。价值$118嘅甜品，其实可以用料好少少，靓嘅开心果酱，少少都已经好香好好味。呢个甜品系一啲都唔香，只有甜。就连拿破仑最基本，脆酥皮佢都做唔到，个皮咬落偏软，冇牛油香。讲到底唔知食咗乜。
开心果圣代：仲离谱，$98，大量脆米，成杯都系脆米。酱得少少，连干果都唔多，呢个价钱去超市买个脆米早餐可以食到你上天堂，$98俾佢就系买果少少手工麻糬，仲要冇咩味。
开心果有机豆乳拿铁：作为Latte冇奶味，冇香味，冇豆味，冇开心果味。唔知饮咗咩。
最后先讲柚子清酒Tiramisu,，甜度比普通Tiramisu高少少，酒味就成枝吱咗都唔系好食到，得意系几得意，但太Hea，做法亦肯定唔系用鸡蛋，只系少女时代系屋企会整嘅Tiramisu初级版。
成餐咁就过一千蚊。
非常奉劝大家唔好中伏个开心果限定，贵，但完全唔系开心果。你要食开心果，出面好多甜品店有其他好选择。
套餐亦唔抵食，单点几个意粉或者意大利饭仲好。
值得一赞嘅系我地坐到10点几先赶我地走，阻住哂收工都唔会话态度差。坐系度倾计都冇咩约束。以闺密聚会嚟讲系唔错。
张贴