牛摩+ (上水廣場) (已結業)

最近疫情爆得咁劲，无得周围去，好彩系爆发前已经刷咗餐好嘢～身为牛魔王嘅我又点可以唔试下呢间位于上水嘅牛摩👍入座时间为5时半，大家都未收工所以都好多位，到大约6时半，门口已经大排长龙，座无虚席！舖头空间唔大但唔算细，座位都算阔络坐得几舒服嘅，今次我就拣咗美国极品牛小排海鲜四点盛，果然无令我失望～不论牛肉定海鲜嘅质素都好好，好新鲜🥰餐厅用QR CODE电子落单系统，方便又快捷，饮品、甜品、蔬菜、丸类则可到自助区自取，不得不赞，饮品方面除咗有罐装汽水外，仲有咖啡机同沙冰，真系好surprise 😍系呢个套餐入面，牛肉火锅片有两款：极品小牛排、美国极上和牛，不过质素极高，不断encore都唔会怕食厌～当然亦可以选择呢个套餐以下级数嘅火锅片～海鲜有帆立贝、虾、墨鱼仔、蚝、花胶、鱼滑，都算唔错～不过令我惊喜嘅系两款牛丸：超浓味牛骨汤味牛丸、经典港式酱爆濑丸牛丸，非常极之令人回味无穷，不过encore😍食完又食😝食完就绝对明白点解咁多人排晒长龙都要食牛摩了！题外话：店员好warm，见到我拎自助饮品会主动帮手帮我拎翻埋位🥰