吃吧 (僑建大廈)

营业中

休息中

今日同妹子补足返佢生日、但系我哋都好搞笑互送礼物！我送俾佢嘅当然系手信啦，佢送俾我 嘅系生日礼物仲要有两份！真系爱死我妹！今次我食紧一间旺角都几盛行嘅西餐厅、记得要早啲预约，因为佢都比较full 㗎！我觉得呢间嘅舖头最好食莫过于佢最出名嘅香草白汁青口！青口嘅感觉好弹牙亦都朔晒啲汁落去！好香浓，再配上西多士浸佢嘅青口汁真系忍唔住一啖又一啖！之后钟意嘅一定系佢嘅墨西哥片，配上牛肉酱、墨西哥片本身配牛肉酱已经好好食，再配上莎莎藩茄同牛油果酱就更加层次爆满啦！当然唔可以错过佢呢度嘅椒盐粟米、出面嘅粟米可能会系成嚿咁样俾你食，但系个感觉就冇咁好食，我都钟意佢拆开出嚟𠮶种感觉全部都系粟米肉！再加上香蒜爆炒香辣嘅味道真系好正好好食！呢度嘅软壳蟹芝士千层面都系好正、软壳蟹成只相再加上芝士嘅千层面本身个质感都好滑食落去唔会好厚身！都好有口感！呢度嘅Cocktail特饮亦都好独特，今次我就嗌咗两杯、一杯就系芒果士多啤梨组成嘅味道比较甜，但系配上梳打水感觉都好舒服好好清！另外我就嗌咗个橙汁，再加上百香果嘅味道比较舒爽微甜！吃吧cheif旺角侨建大厦2楼