火赤

营业中

休息中

日式烧鸟(焼き鸟)系一款喺日本好受欢迎嘅烧烤小食，通常系将鸡肉切成小块，用竹签穿起嚟再用炭火烧烤，食落好Juicy。啲烧鸟常常会配上酸柠檬片或者酱油膏嚟提味，令口感更丰富。仲会提供唔同部位嘅烧鸟，例如鸡心、鸡肝、鸡肠等等，食尽成只鸡每一部分。今晚去呢一间日本餐厅试佢哋嘅日式烧鸟，都有好多唔同款式嘅烧鸟。其中鸡食道系我第一次食，弯弯曲曲拮系竹签之上，烧到烟韧爽脆，口感好过瘾。鸡颈肉又弹牙又多汁。仲烟肉包芝士、鸡翼、鸡胗、糯米鸡肉卷、秋葵、番薯都好好食。佢哋每一台都有六款唔同味道嘅调味料，山椒粉、一味粉、七味粉、咖哩盐、抹茶盐、柚子盐味。另味道更加丰富。配上清酒或者绿茶，同朋友一齐讲笑食烧鸟嘅感觉好悠闲舒适。最后甜品叫个抹茶蕨饼，消一消热气。呢间楼上店仲有户外座位，吹吹风感觉更爽。