焱川

营业中

休息中

湾仔其实有好多好食的餐厅，分布系横街小巷中，系等你发现。今次去呢间系公司好多女同事都话好食的日式餐厅，先睇餐牌，价钱都算合理，就叫左角切鱼生饭。点完菜就黎左个小食同汤，今日个小食系炸三文鱼皮！睇落系下栏野，但佢整得好好食好香口，同埋鱼皮最紧要够脆！呢份鱼皮十分好！到鱼生饭，黎到卖相唔算好特别，同其他餐厅差唔多，但食落又系另一个故事。平时鱼生饭其实好少鱼生，通常都系饭多过鱼生，但呢间个饭同鱼生比例真系差唔多一比一，我食晒饭仲有鱼生系度，侍应话可以添饭，就即刻叫多碗！讲真，鱼生算新鲜，无雪味，以一碗鱼生日黎讲真系合格以上！美中不足系今日无晒甜品，下次再试～