Café Life Patisserie & Cafe (太興中心) (已結業)

早春三月，又到赏花季，讲紧当然系女孩子最爱既樱花，女友系惜花之人，最爱东京染井吉野樱，不过呢排无假，行唔开！好彩比我发现上环皇后大道中，有一间由日本师傅主理既樱花蛋糕、巴菲等精致轻食既咖啡店。 是日偕同女友赏花嗜花，呢度窗明几净，门面已经非常型格，好似去咗中目黑咁！我哋拣咗个窗口位，点了女友最好既粉红色樱花蛋糕，卷蛋上有盐渍樱花，忌廉夹心夹著樱花莲蓉，好香好滑，系我食过至like既莲蓉味，仲一啲都唔漏！ 至于樱花拿破仑，同样有盐渍樱花点缀，大厨细心说打完卡就将件Cake打侧放平，比较容易将脆脆饼皮切开，一口一口品尝之际，仲比我食到车厘子肉，冧滋滋！ 呢度唔止有甜食，仲有咸点，叫咗个牛油果吐司，牛油果软绵绵、夹著野菜、吐司烙至脆皮，上面放有一只温泉蛋、撒满红澄澄烟肉、少许七味粉，旁边仲有薯蓉，吃得好丰盛。 女友点了一杯樱花奶盖白茶，佢话茶味清香、奶盖超滑，倒入杯中，奶花散落一刻好吸睛。身为型男，我就点了杯黑芝麻拿鉄，衬番今日件轻皮褛外套，够晒”格哥儿”，讲真，杯芝麻咖啡真系好好饮，麻香四溢，拉花仲劲有心思，帅！ 总评：樱花香、味道冧、好浪漫，女友已经心心眼！😍