Pulau

营业中

休息中

行咗几次中环街市，今日终于有机会试吓入面啲嘢食。我同朋友拣咗去食新加玻菜。我哋选择咗Pulau嘅「娘惹茶薰鸭配鸡油香饭及苏东鱼丸鸡汤」同「槟城虾面」。海南鸡饭就食得多，茶薰鸭配油饭就真系第一次食。见到咁得意嘅combination 就叫嚟试试。茶薰鸭份量好多，肉质嫩滑，不过无乜烟薰茶味。油饭饭粒分明，少少烟靭，唔错。出奇地好味嘅系毫不起眼嘅两粒细细鱼蛋仔！估唔到鱼蛋鲜甜，弹牙又唔腥👍🏻槟城虾面汤底鲜甜，饮一啖系会发出「唔😌」一声！配料方面亦足够，有鲜虾、豆卜、腩肉片同长豆角。喺中环想快快脆脆，但系又要企企理理咁食个lunch的话，Pulau 都系个几好嘅选择。