Maison A+ (已結業)

早前同几位老友聚餐，其中一位老友晌新蒲岗工作，亦知小弟钟意食面包，所以，专登送个面包俾小弟试，面包虽然食唔少，但就好少写面包食评，既然老友咁有心，当然写番篇留个念。面包出自「Maison a+」，可能大家会陌生啲，其实就喺「A1 Bakery」啲副线，就连个包装纸袋都喺用番A1嘅。而送上嘅面包喺「欧陆杂果法包」（$26），正正早两日先食过，因为附近嘅西铁有A1，老婆都几钟意佢哋啲包。虽然卖到成$26，以街坊心态而言价位一啲唔平，但就绝对真材实料，唔可以讲喺唔值，更喺店家第二好卖嘅产品。以法包为基础，所以，咬落包面喺少少脆脆哋，包心就带韧性，而内里就混有超多提子、南瓜子、合桃……等干果，故食落好有口感。平常老婆买嚟当佢自己午餐，而今次老友送俾我，就当喺下午茶，冲杯咖啡配搭下，偷懒一阵间先！