影片
更多
2021-06-04
372 浏览
近排我个肚腩凸咗出嚟，A姐话我升呢成为大叔喇！为咗希望唔好再升级，所以我近期去咗跑步，不过，对我嚟讲，跑步都唔系为咗减肥，只系为咗减少下一餐嘅罪恶咁，哈哈！今日就嚟到调景岭嘅金公馆，呢度粤菜、川菜、京菜都有，款式多而且质素都唔差，又可以放肆大食一餐。青椒黄金皮蛋蛋黄有溏心感觉，而蛋白金黄透明，充满弹性。口感又软又弹，加埋青椒一齐食，又辣又香，非常爽口开胃。蒜泥白肉呢度嘅蒜泥白肉好啱我口胃。首先卖相一流，因为出面好多蒜泥白肉只系放一大pat蒜蓉喺面就算！另外，佢嘅蒜蓉份量啱啱好，加上放有青瓜，充满口感，而味道又唔会太蒜太浓。麻辣水煮鱼落单嘅时候，职员细心提醒，呢个可能会比较辣，但食嘅时候，我哋又觉得好辣，反而带有麻香味，层次非常丰富。水煮鱼嘅鱼片份量唔少，但略嫌鱼片有唔少骨，食嘅时候要小心。其他配料仲有鸭血、莴笋、薯粉同芽菜等，全部都够晒入味。凤梨咕噜肉本身谂住水煮鱼比较辣，就叫个酸酸甜甜嘅凤梨咕噜肉中和一吓啦！咕噜肉表面非常香脆，而肉质嫩滑，形成对比嘅口感，加上酸酸甜甜嘅酱汁，非常好味！竹笙鼎湖上素鼎湖上素俾人嘅感觉就系大量生菜啰，但呢度嘅竹笙鼎湖上素，除咗竹笙同菜心之外，佢嘅主要材料
青椒黄金皮蛋
蛋黄有溏心感觉，而蛋白金黄透明，充满弹性。口感又软又弹，加埋青椒一齐食，又辣又香，非常爽口开胃。
蒜泥白肉
呢度嘅蒜泥白肉好啱我口胃。首先卖相一流，因为出面好多蒜泥白肉只系放一大pat蒜蓉喺面就算！另外，佢嘅蒜蓉份量啱啱好，加上放有青瓜，充满口感，而味道又唔会太蒜太浓。
麻辣水煮鱼
落单嘅时候，职员细心提醒，呢个可能会比较辣，但食嘅时候，我哋又觉得好辣，反而带有麻香味，层次非常丰富。水煮鱼嘅鱼片份量唔少，但略嫌鱼片有唔少骨，食嘅时候要小心。其他配料仲有鸭血、莴笋、薯粉同芽菜等，全部都够晒入味。
凤梨咕噜肉
本身谂住水煮鱼比较辣，就叫个酸酸甜甜嘅凤梨咕噜肉中和一吓啦！咕噜肉表面非常香脆，而肉质嫩滑，形成对比嘅口感，加上酸酸甜甜嘅酱汁，非常好味！
竹笙鼎湖上素
鼎湖上素俾人嘅感觉就系大量生菜啰，但呢度嘅竹笙鼎湖上素，除咗竹笙同菜心之外，佢嘅主要材料都系菇，菇嘅款式好多，加上蚝油嘅炆煮，好惹味！
五代同堂炒饭
五代同堂即系包括虾子、樱花虾、虾米、虾干同鲜虾嘅五种虾。炒饭炒到干身，粒粒分明，另外欣赏餐厅将炒好嘅饭放入一个热锅上，除咗可以保持饭嘅干身同温度之外，亦有饭焦，增加饭嘅焦香味同口感。至于五款虾嘅份量都非常多，成个饭都充满虾嘅香浓味。
张贴
