和花亭壽司 (已結業)

今日终于得闲去试和花亭。其实o系佢新开无几耐ge时候，已经帮衬过一次，印象好好！两个人食咗11碟。三文鱼—新鲜，脂肪均匀。不过就好薄，薄过峰同板前。剑鱼腩—都好新鲜，不过略嫌有渣。炸蚝—超好食，好新鲜，蚝味好浓，炸得好脆！平贝—唔知系咩，之前o系其他sushi 店未食过，不过好味，质感好好，有D爽，又有D似带子，几特别！吉列虾—真系好吉列，好脆，不过只虾好实，又薄，唔系好食到有咩特别。天妇罗炸虾—呢个最唔得，虽然只虾都好长，不过"o拿"过架，食到soda powder d 味，o拿口。日式玉子冷乌冬—有一大只生鸡蛋，加几条乌冬。乌冬超弹牙、烟"un"，好好味。不过只生鸡蛋有D惊啰！应该无野ge日本鸡蛋。吞拿鱼手卷—好好味，好多吞拿鱼，好新，即叫即整，GOOD~总结：好味，不过硬系觉得唔够正宗，可能因为全部师傅都系香港人，无日本师傅。