影片
更多
2020-03-15
2527 浏览
好耐好耐冇出街打边炉，今日同老公出街见到呢间牛气做紧午市优惠，门口位店员又亲切介绍，就试试佢啦。我地拣左最平既套餐，选择昆布汤，同其他同类型餐厅一样，一开始都会先送上猪牛鸡各一份，d色水都唔错，味道亦过关，唔会觉得自己食紧好渣既肉，一般平时只会疯狂encore牛肉，但今次呢个猪肉又几好食，我地都加点左几次。落单系靠店员人手协助，我地食3点，人手明显唔够，有时要举手好耐先叫到店员，不过上菜速度好快，唔会特登拖你，所以整体感觉良好。自助区食物都几新鲜，亦唔会出现空盘冇人full既情况，款式比较大路，个人觉得饺子好食，唔会煮两煮就烂哂；而边炉必备既丸类虽然选择唔算多，但食得出唔系cheap cheap货；蔬菜都系提供返基本款，卖相同味道都正常。熟食区有饭、咖哩汁、碗仔翅同汤等等，我只系食左碗仔翅，都唔错。平时会放出黎任夹既寿司依家就要向店员落单。酱料区企理干净，比较特别系有七味粉，除此之外都系大路野。饮品同甜品选择偏少，不过餐厅有贴心咁将部分饮品放室温，同埋有好多人都钟意既乳酪雪糕，但呢个雪糕真系我唯一唔推荐既野食，口感同味道都好好好奇怪。总结，款式大路但食材唔错，店员几好态度，如果遇到唔洗
我地拣左最平既套餐，选择昆布汤，同其他同类型餐厅一样，一开始都会先送上猪牛鸡各一份，d色水都唔错，味道亦过关，唔会觉得自己食紧好渣既肉，一般平时只会疯狂encore牛肉，但今次呢个猪肉又几好食，我地都加点左几次。落单系靠店员人手协助，我地食3点，人手明显唔够，有时要举手好耐先叫到店员，不过上菜速度好快，唔会特登拖你，所以整体感觉良好。
自助区食物都几新鲜，亦唔会出现空盘冇人full既情况，款式比较大路，个人觉得饺子好食，唔会煮两煮就烂哂；而边炉必备既丸类虽然选择唔算多，但食得出唔系cheap cheap货；蔬菜都系提供返基本款，卖相同味道都正常。
熟食区有饭、咖哩汁、碗仔翅同汤等等，我只系食左碗仔翅，都唔错。
平时会放出黎任夹既寿司依家就要向店员落单。
酱料区企理干净，比较特别系有七味粉，除此之外都系大路野。
饮品同甜品选择偏少，不过餐厅有贴心咁将部分饮品放室温，同埋有好多人都钟意既乳酪雪糕，但呢个雪糕真系我唯一唔推荐既野食，口感同味道都好好好奇怪。
总结，款式大路但食材唔错，店员几好态度，如果遇到唔洗等位既时间，我谂都几大机会再食。
张贴
