豚豚食堂

营业中

休息中

今日带小朋友嚟呢绿杨坊试堂，之后就见到呢间豚豚食堂入黎食过午饭。午餐都几多选择，有拉面，咖哩，定食同丼饭等。我就拣咗个豚软骨拉面，小朋友就拣咗个吉列猪扒奄列咖哩饭呢度嘅拉面可以拣札幌或者豚骨味道，我呢款系豚骨汤底。拉面煮得啱啱好时间，食落Qq唔会过腍。另外豚软骨亦都炆得好入味，啖啖肉仲有少少软骨个下口愈。拉面配料有甘笋，木耳丝，香葱同埋溏心蛋，够晒正宗，口感丰富，好味道！套餐仲跟一款小食，拣左多春鱼。至于个咖哩饭，奄列煎得好够嫩滑，吉列猪扒亦都炸得够香脆，入面猪扒唔会鞋，日式咖哩汁本身就系好送饭，话咁快一个咁有份量嘅咖哩饭都食晒。呢度位置便利而且坐得舒服，会再光顾！