正潮樓

营业中

休息中

豆酱蒸黄花鱼 🥰听人讲豆酱系潮洲家家户户必备既调味料，佢地既黄花鱼够哂鲜甜嫩滑，鲜味十足。既有鱼肉既鲜味，又有豆酱既咸香味! 面头仲有葱段同小量辣椒丝，食起上黎特别惹味可口!🤤老菜脯猪肚汤❤老菜脯食落有阵独有既清香味，汤头清甜够哂健脾养胃，仲有D黑椒所以越饮越暖肚! 老菜脯其实系萝卜干之后佢地摆放日子耐左就会叫老菜脯，所以其实系好珍贵食材。😋蚝仔肉碎粥 😎系潮州菜必点菜式之一，与其叫佢做粥 我觉得应该叫佢做「蚝糜」。因为佢地既米煮到粒粒分明好完整，而唔系平时食开既糊烂! 而且蚝仔鲜甜，份量仲要唔小，配埋肉碎等食材，令碗粥既味道升华哂~油泡南澳鲜鱿😍入口够哂香口而且爽而不韧! 鱿鱼划花刀法系用直刀斜刀两种刀法切出麦穗状既鱿鱼，令鱿鱼更加易熟同入味，够哂鲜香而唔油腻。蒜头、大地鱼等简单配料，完全突出鱿鱼既鲜味，爽甜弹牙，香气四溢。