咕嚕咕嚕

营业中

休息中

呢排返工压力都真系好大，于是今日收工之后，同事就话不如约埋一齐去饮嘢同食晚餐，倾咗一阵之后有人就提议去尖沙咀诺士佛台呢一间酒吧餐厅chill下。呢度有好多嘢可以玩，感觉真系几正，而且食物同饮品都唔错 ！bar snack我地share左个秘汁烤焗猪颈肉，唔会嚡，重点就系个秘汁真系好惹味，配埋啤酒好好食！见到有个欢乐时光串烧组合，我哋要咗个牛肉组合，入面有安格斯牛肉串、牛肉串、山贼牛肋串同埋牛舌芯。不嬲系牛肉忠实粉丝嘅我真系食得好开心，全部都烧得好正，加埋呢个组合其实会包埋一个饮品，我今日就梗系叫埋红酒啦，红酒配牛肉真系最正。山贼牛肋串我觉得系最出色，有少少厚度，口感一流。最后饮完几杯之后都想食返啲淀粉质，于是就叫咗carbonara，佢嘅品质比我想像中更加好食，够creamy，pasta够al dente。