Dilliwale

营业中

休息中

今日喺铜锣湾闲逛，见有啲饿就喺附近揾嘢食。最近咩都食过，想食啲冷门嘅，见呢间喺楼上嘅印度菜铺头好似几唔错，就搭lift上去试吓！ 😙😜一开lift门已经有个中东籍嘅侍应用英文同你招呼，喺近窗口拣咗个环境好舒缓嘅位置坐低，就有另一个侍应嚟同你点餐。👍🏻佢嘅侍应应该都系印度人，好有礼貌同好热情，英文都唔错，所以点餐无难度！ 😆😀讲返嘢食先，我哋先拣咗乳酪脆米球，好快就嚟咗，一嚟就见卖相一流，有六粒，每粒都好饱满，拎上手有重量，食落口好fresh同冻冻嘅感觉，啲乳酪同脆味好有口感，配合得刚刚好！🤩😘 然后叫咗个玛萨拉咖喱烤鸡，刚嚟到已经好大浸好香嘅咖喱味，不过就咁食太浓味，所以通常叫个烤饼一齐食，而我哋就叫咗个蒜蓉烤饼啦。二话不说就搽啲咖喱落烤饼度一齐食，哗简直系人间极品！🤤🤤啲咖喱嘅辣度刚刚好，鸡肉肉质鲜嫩，而且好多块，一啖烤饼一啖咖哩鸡肉，食到舔舔脷！ 😊😋之后叫咗个甜品，甜奶球配特式甜丝，个卖相已经好吸引，好似一杯饮品咁，有两块吸满咗奶嘅饼一食落口，果阵甜奶味真系好好味！真系好有特式嘅印度甜品！🤪🤪 饮品就叫左杯芒果乳酪，好浓味，而且有啲香料喺入面，非常与别不同嘅好味！😚