咖哩葉

营业中

休息中

呢间印度菜充满风味，餐厅装修得都几靓，有两层。我哋坐咗喺上层，呢度一般会比樽装水你，当然你亦都可以要求要普通水。我哋就要左樽装水。冇几耐就有啲咖喱薄脆做前菜，够薄够脆 ，带点辣辣地味。我哋叫咗马沙文咖喱鸡，呢度啲鸡估唔到非常嫩滑，而且份量都几多。咖喱汁就正常份量，咖喱充满香料味，而且有咖喱香。我就叫咗蒜蓉味薄饼，蒜蓉味好香，另外仲叫咗手抓薄饼就比较烟韧。另外叫咗香炸空心球，整到一个个波咁，上面有个窿好薄脆，然后入边有啲印度香料，再配罗望子酱酸酸地。餐厅几适合香港人口味，不错。