Dilliwale

营业中

休息中

朋友响铜锣湾返工，佢同事推介佢去一间印度餐厅，系由印度人主理，可以食到正宗印度菜。呢间印度餐厅响呢个广场9楼，一出lift就觉得好光猛，周围好colourful，真系好有印度feel。餐牌都好多嘢食，朋友发办拣左几个嘢食。乳酪脆米球：呢个小食味道好特别，入口系冻冻地嘅乳酪，里面系薯仔同鹰嘴豆等配料，个酱汁有少少酸酸辣辣同洋葱味道，脆脆地，又几好食㖞。原味烤饼：烤饼有唔同味道，但用黎点椰汁咖喱鸡，叫原味就可以。烤饼大块，刚烤起，仲系热，用黎点咖喱就啱晒。椰汁咖喱鸡：椰汁味淡淡，咖喱鸡辣辣地，有彊同洋葱味，甜甜地，几惹味。鸡肉炒饭：炒饭唔太多油，里面有三色椒同洋葱等配料，印度米修长，口感都OK㖞，呢个饭炒得唔错，够香够味，好食。