山城小麵 (懷仁街) (已結業)

估唔到大埔都有咁正宗嘅四川菜。呢间铺头门面细细，入边装修好靓坐得好舒服。性价比超高。面嘅款式大约有十种。有受欢迎嘅红烧牛肉面，排骨面，肥肠面等等。怕辣嘅人士亦可以选择清汤。汤底亦好够甜。只系用猪骨熬出来嘅汤底。面嘅选择，有粗面幼面。刀削面，薯粉米线。辣到分别有大中小微辣清汤。而小食方面亦有，尖椒皮蛋。手撕鸡。我哋就点咗排骨面同埋红烧肥肠面。叫左粗面小辣，粗面身好烟韧，软硬适中好有咬口。而黄金皮蛋，亦好好食。排骨好淋好入味。青瓜亦好爽口够晒新鲜。推介蒜泥白肉。蒜泥够晒多，配上白肉食，够晒惹味。甜品点咗，养生银耳羹同埋红糖冰粉。冰粉好特别配上黑糖同埋山楂，又唔会太甜。银耳羹又好爽口。满足到我想食甜品但又唔会肥嘅欲望。总体嚟讲呢间餐厅性价比好高，绝对会返嚟再食。