金沙角美食小厨

营业中

休息中

大女同老公好喜欢大排档嘅风味，话佢哋够镬气，知道沙田博康邨熟食中心有间叫金沙角美食小厨，是一间老字号嘅旧式大排档，店内地方都几大，分咗室外和室内，环境干净卫生，主打镬气小炒及生猛海鲜。豉汁蒸大鳝：大鳝都好新鲜肥美，每旧都沾满浓郁的酱汁，食落爽口弹牙又惹味！椒盐鲜鱿炸至金黄酥香，鲜鱿厚肉弹牙，加上椒盐，香脆又惹味！生菜鲮鱼球豆腐煲：鲮鱼球肉新鲜弹牙，豆腐嫩滑，汤底鲜甜。肉丝炒面：满满配料的一碟肉丝炒面，炒得好有镬气，面底香脆，肉丝、草菇、韭黄、芽菜等配料丰富，加上一个玻璃芡汁，完美的配搭，美味可口！鸳鸯炒饭：而家啲餐厅酒楼都好少做，见到呢度有即刻叫嚟试吓，一上枱见到大大碟份量十足，炒饭具有鲜艳的颜色和丰富的味道，酱汁以番茄的鲜甜加鸡肉和洋葱，白汁的香滑就加爽口的虾仁，蛋炒饭底镬气，无论口感和味道都极美味！