川熙樓 (已結業)

天气太热，就会想用川菜刺激一下味蕾，之前去过川熙楼食川辣火锅，今次想试试他们的小炒。餐厅地方濶落又舒适，而且仲好多游客光顾。老公今日只想食水煮系列嘅菜式，所以就拣咗个水煮鱼（大），再叫多个牛肋骨2人share一齐食刚刚好。水煮鱼（大）面层布满辣椒、红油，慢慢开始闻到阵阵麻香味，好吸引，除咗鱼块之外，内里仲有好多配料，青瓜，云耳，芽菜，薯粉等等，鱼肉鲜嫩软滑，味道鲜甜，薯粉弹牙又滑溜，青瓜爽甜，沾上少少辣油更添滋味，而且又麻又辣嘅感觉令人不期然食不停口。川式慢煮牛肋肉（半份）牛肋肉鲜嫩肉味浓，慢煮令到牛肋肉可以保持肉质嫩滑，再沾上川式特制酱汁，好美味喔！食物好有水准，可惜今晚只得俩小口子晚饭，所以试唔到多些款式，下次要找一大班朋友一齐再吃过。