正潮樓

营业中

休息中

间中就会想打冷，比起大排档式嘅街坊舖，更加钟意去坐得舒服又精致嘅餐厅，呢间系好好嘅选择。卤水鹅片浸得好滑，幼嫩到仲滑过食鸡肉，水润有肉汁，连埋少少皮食好甘香。油泡南澳鲜鱿非常新鲜、爽口弹牙，火候控制得岩岩好，鲜鱿仅仅熟依然嫩滑。 好钟意用左大量葱蒜爆炒，好香口，调味唔会太重，食到鲜鱿嘅清甜。沙茶牛肉炒粿条完全推倒干炒牛河喺我心目中嘅地位，首先菜肉同粿条嘅比例近乎一比一好足料，牛肉靓、沙茶香、芥兰爽甜，粿条更加镬气十足，每一条都极香口，酱汁唔会太咸，难得地我少食淀粉都食到几碗，食唔停口，大推。