正潮樓 (富通大廈)

营业中

休息中

＊地點就喺灣仔地鐵站附近，好方便，一班朋友聚餐嘅話，呢到相當唔錯。潮州菜式一向比較重口味，餐牌上大多係煎炸炒，種類都算多，總有野啱食。*汕頭煎蠔烙*蠔餅黎講略嫌唔夠香脆，落得比較多木薯粉，所以口感比較軟糯。值得讚嘅係蠔嘅份量好多，啖啖都咬得到。*鵝片雙拼*食潮州野唔可以唔食滷水鵝，雙拼配左鵝腎，滷水汁唔會死咸，有誠意。不過腎唔太爽口。*糖醋煎伊麵*好有特色的菜式，附上醋同糖自己沾，煎得好香脆，好食。*反沙芋頭*咬開仲出緊煙，外面係炒至起沙嘅糖，係好甜好甜，但配埋內面嘅芋頭，又幾有風味。