羲和雅苑

营业中

休息中

呢次去咗羲和试佢哋嘅驰名烤鸭，点咗个半套，仲加咗几款小菜，味道真系冇得顶，令人回味无穷。首先，一定要推荐呢个羲和驰名烤鸭，上枱嘅时候，鸭皮晶莹剔透，充满光泽，一睇就知烧得够火候，鸭肉切得厚薄适中。烤鸭有三种食法，配搭三个唔同嘅部位，枱面上有清楚嘅教学教人点样先系最正宗。胸皮系全只鸭最香酥的位置，蘸蓝莓酱再蘸爆炸糖再放入口入面，好似识跳舞咁。鸭胸肉皮脆肉嫩，就咁蘸黄芥未已经非常美味。鸭腿肉是全只鸭嘅精华所在，包薄饼并加入青瓜条和京葱丝好好食。🦆另外我哋亦都点咗松露虾球伊面。松露酱嘅香气浓郁，虾球煮得刚刚好，保留咗虾嘅弹牙口感，仲有少少嘅鲜甜味。伊面吸收咗松露酱同虾汁嘅味道，入口弹牙又美味。🍤