影片
更多
2017-06-01
855 浏览
行过旺角街市，同朋友谂紧食乜嘢之际，见到有个Banner喺行人路，介绍附近有一间餐厅叫做「甲天下正宗桂林米粉」，有米粉、土豆粉同埋螺狮粉选择，而且食物图片吸引，我哋两个就去试吓先。铺头都比较开扬，如果行经「旺角街市」必定经过见到，餐厅装修摆设简约为主，以啡色木枱椅，突显桂林餐厅食物特色，另有一番格调。叫嘢食系以自助形式，喺枱上面有个木桶，入面装咗一叠点菜纸同笔，比客人自己填写想要嘅食物，再比店员落单，简单而快捷。餐厅以「桂林米粉」同埋「土豆粉」为主，而且有唔同嘅烹调方法，一共有六款面底选择，我哋拣咗招牌「桂林米粉」做面底，两个人share食个桂林米粉，所以我哋拣咗好多配料，唔同配料都有唔同嘅价钱，我哋拣咗「娃娃菜」、「卤大肠」、「卤五花肉」、「香辣蟹柳」、「蒜香豆角」、「单骨鸡翼」、「酱香猪手」、「小炒肉」、「红烧排骨」等等，另外再叫左几样「特色风味小食」，分别系「玉林牛巴」、「风味烤鱿鱼须」、「香煎千页豆腐」同埋「椒盐炒土豆」，最后梗系唔少得叫返啲嘢饮饮下先，叫咗「椰子汁」同埋「雀巢柠檬茶」，价钱亦非常便宜。由于我哋太肚饿啦，喺点完餐之后，又去咗近厨房嘅自助餐前小食吧，想试吓啲桂林特
铺头都比较开扬，如果行经「旺角街市」必定经过见到，餐厅装修摆设简约为主，以啡色木枱椅，突显桂林餐厅食物特色，另有一番格调。
叫嘢食系以自助形式，喺枱上面有个木桶，入面装咗一叠点菜纸同笔，比客人自己填写想要嘅食物，再比店员落单，简单而快捷。餐厅以「桂林米粉」同埋「土豆粉」为主，而且有唔同嘅烹调方法，一共有六款面底选择，我哋拣咗招牌「桂林米粉」做面底，两个人share食个桂林米粉，所以我哋拣咗好多配料，唔同配料都有唔同嘅价钱，我哋拣咗「娃娃菜」、「卤大肠」、「卤五花肉」、「香辣蟹柳」、「蒜香豆角」、「单骨鸡翼」、「酱香猪手」、「小炒肉」、「红烧排骨」等等，另外再叫左几样「特色风味小食」，分别系「玉林牛巴」、「风味烤鱿鱼须」、「香煎千页豆腐」同埋「椒盐炒土豆」，最后梗系唔少得叫返啲嘢饮饮下先，叫咗「椰子汁」同埋「雀巢柠檬茶」，价钱亦非常便宜。
由于我哋太肚饿啦，喺点完餐之后，又去咗近厨房嘅自助餐前小食吧，想试吓啲桂林特色前菜，枱面分别摆放左「腌青椒」同埋「腌萝卜」，比客人自己夹黎食，除此之外，仲有一啲调味料，例如桂林辣椒酱等，比客人自己因应份量舀，非常方便。最后我哋每人都夹左几粒试吓。
平时一向我都唔食青椒，不过见到啲腌青椒切开一块块，薄薄地细细块就试少少，食落去唔辣，不过有啲酸酸嘅味道，几特别，不过都系因应个人喜好，我个朋友就食咗好多。
而个腌萝卜，切开左一粒粒好似冰糖正方体咁，食落去好爽口，而且都系有酸酸嘅味道，几醒胃，开胃之选！
啲嘢食终于来啦，佢啲「卤大肠」非常入味，而且系软林林架，好好食呀，必食呀；另外的「五花腩肉」虽然睇落去好似好肥，但系其实半肥瘦架，一啖咬落去，好滋味， 满口都系五花腩味道，仲有啲入口即溶嘅感觉啊！仲有我至爱嘅「单骨鸡翼」，我哋一共叫咗两份，鸡翼都有起码八条以上，炸得好香脆美味，而且鸡翼切左一半都仲觉得好大只，好滋味。
当然梗系要食返啲蔬菜清下肠胃啦，我哋就叫咗「娃娃菜」同埋「生菜」，啲菜煮得刚刚好，唔会太林，咬落去好爽口，有口感。其他配菜都好好食呀，加埋桂林米粉一齐食，好似一碗桂林车仔面咁，另有一番特色。至于「桂林米粉」，并唔系我哋成日食开嘅米粉咁幼，而系有少少似米线嘅质感，白色一条条，咬落去都有啲弹力，而且汤底浓郁，仲有啲配料连埋一齐食，好正。由于我钟意食辣，所以我加左佢哋自制嘅桂林辣椒酱落去，更加滋味。小食方面，「风味烤鱿鱼须」炸得好香脆可口，而且每一条都系大大条嘅鱿鱼须，咬落去更有质感。
我一向都好钟意食豆腐，而「香煎千页豆腐」咬落去表面有唔同嘅调味料，非常惹味，入面白色嘅豆腐的质感就比较实少少，唔似百福豆腐咁易散，有质感而且滑嫩，食得好滋味。
「椒盐炒土豆」原来好似薯仔番薯咁架，切开咗一粒粒，一啖就可以摆入口，而且土豆皮薄薄的，外脆内软。
「玉林牛巴」外面炸得香脆可口，入面系滑滑的肉，一啖咬落去，香脆嘅皮连埋鲜嫩既肉，好正。
食咗咁多样嘢都系差不多＄200埋单，而且餐厅位于旺角闹市区，价廉物美，值得一试。
张贴
