南苑海鮮酒家

营业中

休息中

位于元朗呢间海鲜酒家，系我钟意嘅酒家之一。佢哋嘅羊腩煲真系好正，每次食完都好回味。羊腩煲（推介指数：⭐️⭐️⭐️⭐️⭐️）味道唔腥唔膻，羊肉嘅口感软腍入味，仲保留到烟韧口感，而且香味浓郁，食落去暖身又暖心，送埋饭食真系一流。油浸笋壳鱼（推介指数：🌟🌟🌟🌟）味道系极之鲜美嫩滑，鲜味可口，好啱老人家同小朋友食，而且肉多而厚，骨刺极少，肉洁白细嫩，味尤鲜香，每咬一口都十分之新鲜。鲜菠萝拔丝咕噜肉（推介指数：⭐️⭐️⭐️⭐️⭐️）咕噜肉外层嘅脆皮真系薄而极脆，脆皮入面嘅猪肉虽然唔算十分多，但拔丝嘅效果，极佳嘅口感，糖醋汁浓淡得宜嘅味道，整体嘅口感同味道都都鲜嫩无比。呢个时候再食埋一嚿菠萝，非常惬意，酸甜可口又多汁，食得好清爽。