越大哥 (中興新街) (已結業)

呢间系长洲既越南野真系第一次食，环境几好，门口系落地玻璃设计，室内室外都有座位，好开扬感觉好舒服，唔系太热果阵坐室外吹下天然风都唔错。👏🏻越南春卷越南春卷整得好正宗，春卷皮好薄好脆，入面馅料爆满，满满既猪肉碎，菜丝，仲有啲云耳碎，口感好爽脆，配有酸汁可以点住黎食，酸酸地就更加唔会滞，完全唔油腻，整得好好！🫶🏻越大哥牛柳沙律配蒜蓉包呢知沙律都真系好多牛柳，牛柳丝肉质亦都好唔错，唔会太腍又唔会硬晒，好有质感，沙律菜都好新鲜，再同香脆既蒜蓉包一齐食，简直系一大享受！🙌🏻越式猪扒法包呢个真系好越南风味，包入面既馅料都系木瓜丝同红萝卜丝，亦有啲菜丝，猪扒亦系煎香晒一旧旧咁切好放系包入面，面包同时都系好软熟，表面就焗脆佐，超正！