朝天門

营业中

休息中

约咗朋友放工打边炉，今次特别啲去咗兰贵坊嘅呢间朝天门食正宗重庆火锅。朝天门大有来头，系中国十大火锅品牌，系重庆老字号有百年历史，重庆火锅仲系非物质文化遗产。呢间餐厅门面够晒气派，打卡一流，进了朝天门，就到重庆城。里面座位都好舒服，有好多卡位同埋包房，包房仲有得唱K添。非遗三味锅有齐重庆麻辣汤、菌汤同埋蕃茄汤，麻辣汤系正宗重庆风味，辣度调节咗少少，啱晒我口味，唔会太辣。蕃茄汤同埋菌汤都好浓郁。椒香酥肉等汤滚起嘅时候食吓小食先，呢个肉好酥脆条味道好惹味。重庆小面/重庆酸辣粉细细碗咁，可以试味又唔怕食饱，重庆小面麻辣惹味，酸辣粉酸酸辣辣，烟烟韧韧嘅红薯粉好开胃。冷锅鸭血鸭血鲜嫩无比，落去麻辣汤底味道一流。锋火戏猪喉第一次食，渌2分钟就食得，估唔到好爽脆，完全冇怪味。丸滑拼卖相好精致，每一粒都有一个水晶盒装住，有虾滑、墨鱼滑、牛丸、贡菜猪丸、鱼腐。牛羊拼盘摆盘靓靓，羊肉唔会太膻，雪花牛肉嫩口。手切吊龙牛味浓洧，有咬口得嚟嫩。千张劲靓，成个花咁样，用嚟吸汤索味一流。冻豆腐摆盘好有心思，砌到一朵花咁，冻豆腐吸汤一流。原山菌菇拼盘全部都系唔常食到嘅菇菌，有牛肝菌、绣球菌、鸡纵菌、鸡油菌同埋原只野生竹