Bingo & Cook (港匯廣場)

营业中

休息中

今日嚟到位于尖沙咀港汇广场嘅Bingo & Cook韩国餐厅，餐厅位置都几方便，就喺尖东站附近。环境望落都几热闹，好啱几个朋友一齐过嚟chill下食嘢倾偈。-50cm韩式海鲜锅份量好多，大大个㖞，再讲放喺面前，原来50 cm比想像中仲要大，见到都几震撼，而且入面好足料，有鲍鱼扇贝虾蟹等等，非常丰富，见到就好吸引。另外个汤都超好饮，好够味，最尾再加上乌冬煮，又入味又好食。-海鲜煎饼味道非常地道，而且个饼底煎得好香脆，食落口好有层次感。-韩式牛肉蒸饺子皮薄馅又多，啲牛肉好似挣扎紧想出嚟咁，馅料非常丰富，味道亦都啱啱好，唔会太咸，亦都可以点上饺子豉油，令到味道唔会咁腻。-