喜來稀肉 (瓊華中心)

营业中

休息中

喜来稀肉嘅韩式烧肉一直都系我想去嘅韩国餐厅，因为佢地嘅肉有保证之余又唔会太贵，加上佢嘅前菜有6款任食，仲有生菜包都任攞，相比其他餐厅要每碟计，所以喜来稀肉性价比好高。当然要叫五花肉（$158），烧香之后肉质好咬口哨，配埋泡菜生蒜好好味。仲有值得一赞系服务生你每烧完一碟肉，佢一定会主动帮你换烧板，非常贴心同服务好好。另外一定要嗌喜来烤肉，系招牌菜，用特别材料腌制嘅牛肉，油脂分布均匀，又有少少果香味，好味之余只需几秒就可以食，好嫰滑又有肉味。再叫多个牛肉眼扒（$158）虽然唔太厚身，但都肉味浓郁。两个人叫三份肉已经好饱，再想试其他都要等下次。值得一提系佢嘅炉边芝士蛋，同净蛋卷都好好味，又可以refill相当抵食，我地无refill都已经好饱，最赞系佢地嘅蒜片一直系炉边烧，烤到软身超好食。