蘇媽.蘇媽馬來西亞茶餐室

营业中

休息中

呢间马来西亚餐厅，净系门口嘅装修已经好吸引，非常打卡，行到入餐厅，装修好怀旧嘅感觉，楼底好高，空间感好好，座位坐得好舒服，未到一点，餐厅已经差唔多坐满，而家嘅香港已经好少可以坐满人🫣午市套餐有好多选择，全部都系马来西亚传统美食。肉骨茶一上碟已经闻到好大浸肉骨茶味，好香，而且用料十足，真材实料，个汤仲可以无限添饮，啲肉都好好味，好够淋，吸晒汤嘅精华，仲有豆卜金菇等等嘅配料，好够饱。马来西亚海鲜汤面个汤好浓郁，好有马来西亚嘅风味，而且啲海鲜好新鲜，有青口、蚬、虾，个汤好好饮，几乎俾我饮晒，味精唔重，食完都唔会口渴。