CHICKEN CHIKO

营业中

休息中

今日嚟到北角揾食，见到网上推介呢一间韩式炸鸡店，一于嚟试吓，一入到去老板就好热情招呼我哋，环境都好阔落，听吓K-Pop 都几chill我哋嗌咗个四拼炸鸡（火辣、蜜糖牛油、咖哩、芝士雪花）韩式泡菜冷面、烤牛卷饭、同埋咖喱炒年糕仲有蓝色多瑙河梳打同埋水蜜桃梳打。我哋两个人都睇少咗食物嘅份量，点知碟碟都比我哋想像中大，勉强先食得晒。一坐低点完嘢食侍应好快就送上沙律，都几开胃。网上嘅推介都冇介绍错，炸鸡的确好出色，我自己就大力推介芝士雪花炸鸡，甜甜哋有芝士味得嚟又唔会好漏，亦都唔好睇小火辣炸鸡嘅辣度，唔食得辣嘅朋友可能要拣其他味，炸鸡都系热辣辣新鲜炸好，一啲都唔hea!冷面口感有啲似乌冬，配埋泡菜几新鲜几开胃，几特别值得一试。饭卷啲料都好足，非常饱肚。最唔可以睇小一定系咖喱炒年糕，本身以为细细碟当系前菜，点知佢超级大碟仲要配埋粉丝，而且咖喱味嘅年糕真系第一次试，钟意食咖喱嘅一定要试吓！蓝色多瑙河梳打绝对系打卡之选，非常吸睛！两杯饮落都好清新，酸酸甜甜，几开胃，配韩式炸鸡一流！下次想食韩式炸鸡，一定会再嚟呢间！