德美壽司

营业中

休息中

难得唔洗排队既德美寿司，今日终于见有机会试下。我地一行三人叫左一个二人餐同额外叫左D寿司食。二人餐已经好丰富，有简单既前菜、沙律，三文鱼刺身、天妇罗、一个牛肉锅、鲭鱼同炒饭。加加埋埋既份量都几多，鲭鱼烧到皮脆脆地，吱上柠檬汁带左鱼个味，炒饭就粒粒分明，唔会太干。不过牛肉锅既牛就差少少啦，肉质较靭，浪费左个汤底了。其余既三文鱼同天妇罗就普通。寿司质素系高既，我地叫左灸烧带子、甜虾同煎鹅肝带子卷等。甜虾同灸烧带子够晒份量而且系甜。鹅肝带子卷就相对有D失望，唔太食到鹅肝味，感受唔到佢既特别。另外，值得一叫既系油甘鱼腩，系厚切之余，咬第一啖已经感受到鱼油既香，一人两旧不多也不少。最后，每人仲可以有一份小甜品，如果系大埔黎讲，有呢种寿司店选择，都几满足。