囍越 (V Walk)

营业中

休息中

以越南嘢嚟讲，呢度唔算特别标青。一般嚟讲都算系合格，呢度嘅食物都算系新鲜，食得出厨房系认真做嘢，只系调味有少少重手，不过我试过佢嘅海南鸡饭就真系食到牙都软，鸡肉煮到比较老，食到人唔系咁开胃。但系整体食物质素都算系可以一试，始终越南嘢酸酸甜甜，感觉比较讨好。而且呢度可以话系冇其他越南野嘅选择，所以我都算系经常嚟食。但系我真系好想讲吓，佢哋嘅服务态度，本来喺呢个商场食都算系少少高级，消费系比较一般平民大众食肆较高，所以服务都算系比较认真，但系我就试过一次，见到佢里面都几满人，一个人嚟食嘅时候店员带我入去，跟住有个领班咁嘅人就好恶咁大声叫我喺出边等吓先，我谂佢当时做紧嘢好忟，亦都盲咗见唔到系个职员带我入嚟，但我觉得作为一个客人，你点都唔会有理由呼喝我，叫我出去等，起码你都问吓我先啦，𠮶次之后我停咗几个月都冇再去食，系因为我真系好嬲。