鴻仔記車仔麵 (禾輋邨)

营业中

休息中

连锁车仔面店鸿仔记原来共有六间店，主要集中喺新界区。呢度嘅四𩠌面 $39，可以拣一款贵𩠌三款平𩠌，贵𩠌我拣咗蚝皇花胶😍，花胶细细抽，一滑入口，半秒就已经 KO 咗，好满足🤗，三十几蚊个面就有花胶食，实在不能要求更多啦😂。其余三款𩠌我拣咗咖哩鱼蛋，炸鱼皮同萝卜，前两者正常水准，至于萝卜呢🤔，比起孖宝车仔面，呢度嘅萝卜显得失色少少，虽然够腍，但系甜味就弱咗啲啲。特别想讲下呢度嘅酱汁，除咗常见嘅辣汁，咖哩汁，沙爹汁，腩汁之外，仲有比较少见嘅瑞士汁，头三款酱汁仲有五个份量可以拣，我拣咗中量嘅沙嗲汁，上枱时有啲似一羹杰身嘅沙嗲酱，将一半捞落个清汤度，另一半点萝卜同炸鱼皮食，滋味无穷😋，再叫多杯咸柠七，就系一餐丰富嘅晚餐😌。