敏華冰廳 (Tower 535)

营业中

休息中

行经铜锣湾肚饿，是但入左间餐厅食饭。餐厅食物既款式唔算好多，自己叫左沙爹牛公仔面，男朋友就叫左叉烧意。常餐跟炒蛋两条肠仔同多士一块，个炒蛋炒得几滑同埋都好多蛋汁好juice几好味，肠仔同多士味道就正常。沙爹牛面牛既份量都几多，面就正常。个牛肉煮得几淋同埋沙爹味都几重几香口，食每啖牛都有沙爹味包裹住。另外试左啖男朋友既叉烧意，汤底比较淡，叉烧比较瘦，但一碗都几多旧叉烧。自己都系钟意食沙爹牛面多过叉烧意，建议大家如果想食清淡d就叫叉烧意，想浓味d就可以试沙爹牛面。另外跟餐叫左冻柠茶，冲得都几好饮，有三块柠檬，同埋一杯都几大杯下。价钱方面每人大概六十蚊左右一个餐，价钱相对偏贵少少，不过以铜锣湾地段黎讲都算可接受。