影片
更多
2024-01-25
412 浏览
好耐冇去一盅两件梗系问吓老婆大人想去边度食点心，佢就话想去九龙酒店试吓冇问题即刻约埋老友订位同佢去叹茶。呢日安排喺厅房食坐得好舒服人多就有呢个好处。一坐低梗系开壶靓茶饮食住合桃等齐人，想赞吓呢个XO酱就咁食都几好味㗎㖞。老婆大人同我讲呢度嘅蛇羹好出名咁就梗系要嗌碗太史烩蛇羹嚟叹吓啦！用筷子夹得到嘅丝丝蛇肉一啲腥味都冇，加埋陈皮同爽脆木耳口感更加丰富，配埋啲柠檬叶、白菊花同埋薄脆一齐食仲正斗，今日咁鬼冻真系谂起都想再食。跟住我哋嗌嘅商务午市套餐(龙)前菜送到嚟！好有咬口嘅蜜汁叉烧、重口味嘅尖椒皮蛋、咸咸香香嘅肴肉同埋香辣脆金砖，几样前菜质素都好唔错有个好开始。跟住系三粒点心晶莹鲜虾饺馅料好鬼多又鲜味，蟹籽蒸烧卖食落啖啖肉好有咬口，最后系我至like嘅咸水角整到成个雪梨咁样又好睇又好食。个餐入面有个是日厨师汤品我哋呢日嘅系清补凉，饮落去好香甜清润一吓都唔错。跟住仲有呢个虫草花蒸斑球，我就最钟意食虫草花所以呢个鱼啱晒我口味，虽然系鱼嘅菜式不过做得好够味啱晒钟意重口味嘅人食。食咗咁多肉同海鲜整返个樱花虾炒玉兰，芥兰炒得好脆口而且冇苦涩味，加咗樱花虾炒即刻变得好鬼惹味。唔使惊我唔饱肚因为仲有个金
呢日安排喺厅房食坐得好舒服人多就有呢个好处。
一坐低梗系开壶靓茶饮食住合桃等齐人，想赞吓呢个XO酱就咁食都几好味㗎㖞。
老婆大人同我讲呢度嘅蛇羹好出名咁就梗系要嗌碗太史烩蛇羹嚟叹吓啦！用筷子夹得到嘅丝丝蛇肉一啲腥味都冇，加埋陈皮同爽脆木耳口感更加丰富，配埋啲柠檬叶、白菊花同埋薄脆一齐食仲正斗，今日咁鬼冻真系谂起都想再食。
跟住我哋嗌嘅商务午市套餐(龙)前菜送到嚟！好有咬口嘅蜜汁叉烧、重口味嘅尖椒皮蛋、咸咸香香嘅肴肉同埋香辣脆金砖，几样前菜质素都好唔错有个好开始。
跟住系三粒点心晶莹鲜虾饺馅料好鬼多又鲜味，蟹籽蒸烧卖食落啖啖肉好有咬口，最后系我至like嘅咸水角整到成个雪梨咁样又好睇又好食。
个餐入面有个是日厨师汤品我哋呢日嘅系清补凉，饮落去好香甜清润一吓都唔错。
跟住仲有呢个虫草花蒸斑球，我就最钟意食虫草花所以呢个鱼啱晒我口味，虽然系鱼嘅菜式不过做得好够味啱晒钟意重口味嘅人食。
食咗咁多肉同海鲜整返个樱花虾炒玉兰，芥兰炒得好脆口而且冇苦涩味，加咗樱花虾炒即刻变得好鬼惹味。
唔使惊我唔饱肚因为仲有个金菇银芽原只鲍鱼炆，原只鲍鱼咬口十足面质都好爽口好味㖞。
呢个餐最特别嘅地方系有两个甜品，仲要系一个中式一个西式啱晒钟意食甜品嘅客，平时我对甜品兴趣唔系好大！不过呢个套餐嘅中式甜品系生磨黑芝麻糊就开正我𠮶瓣，芝麻糊煮得好浓稠芝麻味都几香，有朋友食唔落所以我食咗三碗饱到一个点啊。
个西式甜品就交俾老婆大人搞掂佢！因为系佢钟意嘅芒果拿破仑仲要系酒店嘅名物，所以佢食得好开心。
我哋仲另外嗌咗三款点心食有翠塘蛋白金鱼饺、金腿萝卜丝手袋酥同埋粉红松露素菜饺。
呢粒粉红松露素菜饺个色好娇艳，食落好香黑松露同埋菇嘅味啱晒钟意清新口味嘅人食。
呢个翠塘蛋白金鱼饺睇个样就知正啦！𠮶条金鱼其实系海鲜饺嚟嘅超级大只仲好鲜味，底下仲有个香葱汁整嘅蒸蛋白够晒香滑，衬埋一齐我觉得呢个简直系个小菜咁正。
最后仲有一只鬼咁精致嘅金腿萝卜丝手袋酥，手袋入边装满嘅系萝卜丝，成旧摆落口食又松脆又清甜正呀。
张贴
