泰海鮮 (已結業)

今日一行四人去屯门三圣邨叹海鲜，拣咗一间叫泰海鲜试下！环景都不错，酒楼格局。今日天气有啲凉，一坐低我哋拣咗个海鲜汤暖一暖身，汤底十分鲜味, 有赖尿虾同蚬豆腐蕃茄。之后我哋食咗个炸带子同豉油王中下, 炸带子外脆内软, 恰到好处， 仲虾就十分惹味。最精彩嘅就系青山湾焗龙虾，龙虾表面有一层芝士焗，虾肉厚身兼且弹牙，全晚最好食嘅一味。最特别嘅系豉椒蛏子皇米粉底，底层系煎向左嘅米粉，配上豉椒汁竟然系好夹㖞！加分！至于酒焗桶蚝够大只，而且焗得啱啱好，一d都冇过火。最后避风塘炒肉蟹就有系一贯嘅水准，好香好入味！整体全个晚餐都好饱，好有泰国特色, 唔系一般清蒸嘅货色，赞！