食得好

营业中

休息中

平时出街食饭，度度都有私房菜，但，真系私房菜？朋友仔今日请我食真正私房菜！呢度地方细细，但好骨子，因为枱唔多，最好预订。首先黎个怀旧三宝 - 蟹多士咬落又香又脆，馅料仲有冬菇肉碎。金钱鸡，出面好难揾到，听过未食过，原来系一块瘦猪肉、一块鸡肝及一块肥猪肉，最底块肥猪肉好特别，咬落系爽脆，绝对唔系一旧肥膏，口感有D似冇窿既猪皮。蚬蚧鲮鱼球，最重要点个自家制既汁，果种咸香脆，一口食到晒。呢个八宝冬瓜盅，炖足三个钟，D料多到流出黎。上八珍扒大鸭，真系心机菜，首自只鸭要浸汁，之后炸，再之后蒸一个半钟，最后先放上其他材料埋汁。梧州纸包骨，好得意，用个纸袋入住，用滚油浸熟D骨。呢个有蟹肉既赛旁蟹好利害，食落仲有好香牛奶味，原来用左大良奶黎炒。焗西米布甸，好怀旧既味道，有莲蓉馅架。道道菜离远已经闻到好香，真系做到色香味，仲要师父既心机。